भरतपुर/चितवन उद्योग संघको आयोजनामा उद्योग व्यवसायमा कोभिड–१९ ले पारेको आर्थिक क्षति न्यूनिकरण गर्ने उपाय सम्बन्धमा छलफल तथा अन्तरक्रिया कार्यक्रम सम्पन्न भएको छ ।
चितवन उद्योग संघका अध्यक्ष राजु पौडेलको अध्यक्षतामा सम्पन्न कार्यक्रममा संघका उपाध्यक्ष युग राज वस्तीले प्रस्तुत गर्नुभएको प्रस्तुतिकरण र उद्योग व्यवसायीहरुले उद्योग क्षेत्रमा पारेको असर र त्यसका न्यूनिकरणका बारेमा आ–आफ्ना सुझावहरु राखेका थिए । उद्योगी व्यवसायीहरुबाट आएका सुझावहरुलाई संघका उपाध्यक्ष त्रिलोचन कँडेल, मदन घिमिरे र कार्यकारी निर्देशकले टिपोर्ट गर्नुभएको थियो । संकलित सुझावहरुलाई नेपाल उद्योग परिसंघ मार्फत नेपाल सरकार समक्ष पेश गरिने संघका अध्यक्ष राजु पौडेलले बताउनुभयो ।
छलफल तथा अन्तरक्रियामा नेपाल पोल्ट्री महासंघका अध्यक्ष गुणचन्द्र विष्ट, उद्योग वाणिज्य संघका उपाध्यक्ष चुननारायण श्रेष्ठ, नेपाल ह्याचारी उद्योग महासंघका अध्यक्ष टिकाराम पोखरेल, क्षेत्रीय होटल संघ, सौराहाका अध्यक्ष दिपक भट्टराई, नेपाल मौरीपालक महासंघका अध्यक्ष शिव शर्मा पौडेल, नेपाल दाना उद्योग संघका अध्यक्ष वालचन्द्र खनाल, नेपाल क्रेट उत्पादक संघका अध्यक्ष दण्डपाणी भट्ट, चितवन मेटल इन्जिनियरिङ एण्ड फेब्रिकेशन उद्योग समितिका अध्यक्ष ताराबहादुर कार्की, चितवन नवलपुर सिमेन्ट सामग्री उद्योग समितिका अध्यक्ष बद्री चापागाई, चितवन केरा उत्पादक संघका अध्यक्ष घननाथ महतो, होटल व्यवसायी संघ– चितवनका उपाध्यक्ष केशव हडखोले, संघका उपाध्यक्षहरु दुर्गाप्रसाद भण्डारी, गजेन्द्र अधिकारी, कार्यसमिति सदस्यहरु मदन चिरञ्जीवी पोखरेल, बिष्णु प्रसाद पौडेल, जितबहादुर हमाल, गोपाल प्रसाद गैरे, रामचन्द्र अधिकारी, सुधा सुवेदी पौडेल, अमर घिमिरे, परमेश्वर भण्डारीलगायतको उपस्थिति रहेको थियो ।