राप्ती/नेकपा एमाले चितवन क्षेत्र नम्बर १ प्रदेशसभा ‘क’ का उम्मेदवार जेएन थपलियाले मानवमुक्तिको लागि नेकपा एमाले लागिपरेको बताएका छन् । उनले जातियताको विरुद्ध र मानवमुक्तिको लागि जोडदार आवाज उठाउदा र लागिपर्दा देशमा नेकपा एमालेको शसक्त रुपमा विरोध हुने गरेको बताए । राप्तीमा आफ्नो कार्यकर्ताहरुसंग आज भएको भेटघाट कार्यक्रममा बोल्दै एमालेका केन्द्रीय सदस्य समेत रहेका थपलियाले सो कुरा बताएका हुन् ।

एमालेले जातिपाति नमान्ने भन्दै यसको अन्त्यका लागि हिजो पार्टि स्थापनाकालदेखि नै लागेको र भोलि पनि सधै लाग्ने उनले बताए । एमाले नेता थपलियाले समाजमा महिला र पुरुष मात्र रहेको बताए । एमालेको सरकार हुदा राप्तीमा विकास निर्माणको कार्यहरु धेरै भएको भन्दै प्रदेशका पूर्व मन्त्री दावा लामाले यस क्षेत्रमा तटबन्धन लगायत पूल निर्माण समेत गरेको बताए । चितवन क्षेत्र नम्बर १ प्रदेशसभा ‘क’ का उम्मेदवार जेएन थपलियाले आफू जिविसको सभापति हुदा आफ्नो नेतृत्वमा उत्तराखण्डको बाटोलाई विस्तार गरेको स्मरण समेत गराए । उनले आफू र आफ्ना पार्टिका व्यक्तिहरुलाई भोट हालेर जिताएमा परियार संघको घर बनाउनका लागि सरकारबाट रकम उपलब्ध गराईदिने प्रतिबद्धता समेत ब्यक्त गरे । परियार समुदायमा बाल बच्चाहरु पढाउन, स्वास्थ्य उपचार गर्नका लागि कुनै समस्या परेमा आफुलाई भन्न र त्यसको व्यवस्था आफू र आफ्नो पार्टिले गर्ने समेत बताए ।