भरतपुर/२०१६ सालमा भीमसेनटोल पोखराबाट बसाई सराई गरी चितवनको भरतपुर–१०, हाकिमचोकमा बसोबास गर्दै आउनुभएका रतनमान श्रेष्ठको ८६ वर्षको उमेरमा भएको निधनले उज्यालो टाईम्स मिडिया एण्ड एड्भरटाइजिङ्ग प्रा.लि.परिवारलाई स्तब्ध बनाएको । मृत्यु शोकको यस दुःखद् घडीमा दिवंगत आत्माको चिरशान्ति कामना गर्दै भावपूर्ण श्रद्धाञ्जली अर्पण गरियो ।
श्रेष्ठ उज्यालो टाईम्स मिडिया एण्ड एड्भरटाइजिङ्ग प्रा.लि.द्वारा सञ्चालित उज्यालो टाईम्स डटकमका प्रबन्ध निर्देशक राकेशमान श्रेष्ठ एवम् शुभचिन्तकहरु रमनमान, रमेशमान, रोशनमान श्रेष्ठका पुजनीय पिता हुनुहुन्छ ।
४ छोरा, १ छोरी, ११ नाति/नातिनीका धनी श्रेष्ठ स्याउली बजार टोलवासीहरुले एक असल, समाजसेवी अभिभावकको रुपमा परिचित हुनुहुन्थ्यो । उहाँको निधनले सम्पूर्ण स्याउली बजार टोलवासीहरुमा एक अभिभावक गुमाएको महशुस भएको छ ।
समवेदना प्रकट कार्यक्रममा उज्यालो टाईम्स मिडिया एण्ड एड्भरटाइजिङ्ग प्रा.लि. अध्यक्ष एवम् प्रधान सम्पादक राजु भट्ट, निर्देशकहरु अनिल कुमार श्रेष्ठ, हरि बहादुर भुजेल, कपिल सागर कर्माचार्य, प्रा.लि.का व्यवस्थापक राधा शर्मा लगायतको उपस्थिति रहेको थियो ।
सोही अवसरमा चित्रवन सन्देश साप्ताहिक पत्रिकाको तर्फबाट श्रेष्ठप्रति समवेदना प्रकट गरिएको थियो । समवेदना प्रकट कार्यक्रममा चित्रवन सन्देश साप्ताहिक पत्रिकाका प्रकाशक एवम् सम्पादक सुमन गैरे, प्रबन्ध निर्देशक कपिल सागर कर्माचार्य लगायतको उपस्थिति रहेको थियो ।
