रत्ननगर/चितवन उद्योग संघ रत्ननगर इकाई समितिको चौंथो बार्षिक साधारण–सभा सम्पन्न भएको छ । चितवन उद्योग संघ, रत्ननगर इकाई समितिका अध्यक्ष गोविन्द प्रसाद खनालको अध्यक्षतामा सम्पन्न वार्षिक साधारणसभा रत्ननगर नगरपालिकाका नगरप्रमुख प्रल्लाद सापकोटा प्रमुख अतिथि रहनुभएको थियो । प्रमुख अतिथि सापकोटाले रत्ननगर नगरपालिकाका क्षेत्रका उद्योगी, व्यवसायीहरुको समस्यालाई आफूले नजिकबाट बुझेको हुँदा उद्योगीका समस्याहरुलाई सम्बोधन गर्न आफू तयार रहेको बताउनुभयो ।
कार्यक्रमका विशिष्ट अतिथि चितवन उद्योग संघ तथा चितवन औद्योगिक विकास साकोसका अध्यक्ष त्रिलोचन कँडेलले रत्ननगर इकाई समितिले प्रस्तुत गरेको वार्षिक प्रगति प्रतिवेदनले वास्तविक उद्योगीहरुका समस्या समाधान गरेको बताउनुभयो । उहाँले भन्नुभयो –रत्ननगर इकाई समितिले स्थानीय तहसँगको सहकार्यमा गरेका कामहरु, उद्योगीका हितका लागि गरेका पहलहरु निकै स्वागतयोग्य रहेको बताउनुभयो ।
त्यस्तै विशिष्ट अतिथि रत्ननगर इकाई समितिका सल्लाहकार समितिका संयोजक एवम् संघका पूर्व अध्यक्ष भेषराज दुवाडीले रत्ननगर नेपालकै तेश्रो पर्यटकीय गन्तव्यको रुपमा विकास हुँदै गईरहेकोले यसलाई अझै अगाडि बढाउन रत्ननगर नगरपालिकाले पर्यटन उद्योगहरुलाई प्रोत्साहन गर्न नीतिगत योजनाहरुमा सहयोग गर्नुपर्ने बताउनुभयो ।
साधारणसभामा चितवन उद्योग संघ युवा उद्यमी मञ्च अध्यक्ष सुरेन्द्र कार्की, कृषि व्यवसायी संघ–संस्थाको तर्फबाट नेपाल मौरी पालक महासंघ जिल्ला समिति चितवनका अध्यक्ष दुर्गालाल तामाङ्ग, अन्य संघ–संस्थाको तर्फबाट रत्ननगर उद्योग वाणिज्य संघका उपाध्यक्ष पुरु खनाल, पर्यटन व्यवसायी संघ–संस्थाको तर्फबाट केन्द्रीय होटल संघका केन्द्रीय सदस्य ज्ञानेन्द्र कुमार विष्टले शुभकामना व्यक्त गर्नुभएको थियो ।
साधारणसभामा चितवन उद्योग संघ, रत्ननगर इकाई समितिका अध्यक्ष गोविन्द प्रसाद खनालले स्वागत मन्तव्य एवं बार्षिक कार्य प्रगति प्रतिवेदन प्रस्तुत गर्नुभएको थियो । भने, चितवन उद्योग संघ रत्ननगर इकाई समितिका कोषाध्यक्ष प्रमिला पोखरेलले आर्थिक प्रतिवेदन प्रस्तुत गर्नुभएको थियो ।
Advertisement
