भरतपुर/भरतपुर महानगरका कार्यबहाक नगर प्रमुख चित्रसेन अधिकारीले चितवनको अर्थतन्त्रमा सहकारी क्षेत्रले कायापलट नै हुने गरि उदाहरणीय काम गरेको बताउनु भएको छ । कार्यबहाक नगर प्रमुख अधिकारीले भन्नू भयो चितवनको अर्थतन्त्र धाने कै यहाँका सहकारीहरुले हो,जिल्लामा सहकारीहरुको स्थापना भए देखि आमनागरिकहरुको जीवन स्तर मै कायापलट भएको छ ।
अमरदिप महिला उत्थान बचत तथा ऋण सहकारी सस्थाको १५ औ बार्षिक साधारणसभालाई आज भरतपुरमा सम्बोधन गर्दै कार्यबाहक नगर प्रमुख अधिकारीले चितवनको अर्थतन्त्रमा सहकारीको भूमिका महत्त्वपूर्ण रहेको बताउनु भएको छ । चितवनको अर्थतन्त्रमा सहकारीको ठूलो हिस्सा रहेको बताउदै उहाँले सहकारीले ब्यक्तिलाई मालिक बनाएको प्रष्ट पार्नु भयो । सहकारीको सानो अर्थतन्त्रले मुलुकको ठुलो अर्थतन्त्रलाई सहयोग पुर्याएको उहाँको कथन छ । उहाँले घर घरमा मिनि बैंकको रुपमा स्थापित भएका सहकारीहरुले बचत गर्ने बानिको बिकास गरेको भन्दै सानो बचतले दीर्घकालीन रुपमा बचत कर्तालाई ठूलो फाइदा पुर्याउनेमा ढुक्क रहन सहकारीमा आबद्ध सदस्यहरुलाइ आग्रह गर्नु भयो ।
कार्यक्रममा सस्थाको बचत कारोबारमा सहभागी भइ बर्षको उत्कृष्ट बाल बचत,खुत्रुके बचत,उत्कृष्ट बचत सदस्य लगाएत बिबिध बिधामा उल्लेखनीय योगदान पुर्याएका सदस्यहरुलाइ सम्मान गरिएको थियोे । कार्यक्रममा सस्थाको आर्थिक प्रतिबेदन र प्रगति प्रतिबेदन पनि प्रस्तुत गरिएको थियोे । चितवन जिल्लाको शारदा नगरमा २०१३ साल चैत्र २० गते बखान ऋण सहकारी संस्थाको स्थापना भएको हो । जुन नेपालकै पहिलो सहकारी संस्था हो । अहिले विश्व रोजगारीमा करिब १५ प्रतिशत योगदान सहकारीको रहेको छ । सन् २०१७ को तथ्याङ्क अनुसार सहकारी क्षेत्रले विश्वमा करिब ३५ करोडलाई रोजगारीको अवसर दिएको छ भने ३ सय भन्दा बढी ठुला सहकारीको वार्षिक कारोबार लगभग २.२५ ट्रिलियन अमेरिकी डलर पुगेको विभिन्न समयका तथ्यांकहरुले देखाएको छ ।
