सौराहा/विगत डेढ दशक देखी सर्वसाधारणलाई गुणस्तरिय र सुरक्षित सेवा तथा सुविधा दिदै आएको सिटिजन्स बैंकले श्रावण २१ गतेदेखि ‘सिटिजन्स चिरायु मुद्धती योजना’ तथा ‘रेमिटेन्स चिरायु मुद्धती योजना’ को शुभारम्भ गरेको छ । सौराहामा आयोजित ३ दिने लिडरशीप डेभलपमेन्ट तथा क्यापसीटी बिल्डीङ्ग कनक्लेभ कार्यक्रममा सिटिजन्स बैंकका प्रमुख कार्यकारी अधिकृत गणेशराज पोखरेलले उक्त मुद्धती योजनाहरुको शुभारम्भ भएको घोषणा गर्नुभयो । शाखा प्रबन्धकहरु तथा बरिष्ट व्यवस्थापकहरुलाई सम्बोधन गर्दै बैकंका प्रमुख कार्यकारी अधिकृत पोखरेलले बैकलाई सुशासनमा अब्बल बनाउने घाोषणा पनि गर्नभयो ।
सिटिजन्स चिरायु मुद्धती योजना योजना अन्र्तगत ग्राहकहरूले १३ वर्ष ४ महिना देखि २२ बर्ष १ महिनासम्म मुद्धती खातामा रकम जम्मा गरे अनुसार साँवा तथा व्याज बापत लाग्ने कर पश्चात एक मुष्ट रुपमा चार गुणा देखि १० गुणा सम्म निक्षेप रकम फिर्ता पाउनेछन् । त्यस्तै रेमिटेन्स चिरायु मुद्धती योजना ग्राहकहरूले १२ वर्ष ३ महिना देखि २० बर्ष ३ महिनासम्म मुद्धती खातामा रकम जम्मा गरे अनुसार साँवा तथा व्याज बापत लाग्ने कर पश्चात एक मुष्ट रुपमा चार गुणा देखि १० गुणा सम्म निक्षेप रकम फिर्ता पाउने छन् ।
मुद्धती निक्षेप योजना अन्तर्गत व्यक्तिगत ग्राहकहरुले बैंकको कुनैपनि शाखा मार्फत न्युनतम पचास हजार मौज्दातमा खाता खोल्न पाउनुहुनेछ । यस मुद्धती निक्षेप योजनाबाट बैंकका व्यक्तिगत एवं रेमिटेन्स ग्राहकहरू लाभान्वित हुने विश्वास बैंकले लिएको छ ।
ग्राहकहरुको वित्तीय आवश्यकताहरु सहजताका साथ पूरा होस् भन्ने अभिप्रायका साथ बैकंले आफ्नो वेबसाईट मार्फत स्र्माट सरभिसेश सेवा समेत सुचारु गरेको छ । यस सेवा अन्र्तगत ग्राहकहरुले बैकंको वेबसाईट मार्फत नै विभिन्न कार्ड सम्बन्धी सेवाहरु, मोबाईल र ई(बैकिङ्ग सम्बन्धी सेवाहरु, शेयर सम्बन्धी सेवाहरु तथा क्यु आर सम्बन्धी सेवाहरु सहजताका साथ प्राप्त गर्न सक्नुहुनेछ । सिटिजन्स बैंक इन्टरनेसनल लिमिटेडले देशैभरी फैलिएका आफ्ना १८० वटा शाखा, १३२ वटा ए.टि.एम. र ९६ वटा शाखा रहित बैंकिङ्ग ईकाईहरुबाट करिव १४ लाख ७१ हजार ग्राहकवर्गलाई आधुनिक बैंकिङ्ग सेवाहरु प्रदान गर्दै आएको प्रवक्ता नारायणराज अधिकारीले जानकारी दिनुभयो ।
