भरतपुर/चितवन आसपास क्षेत्रमा विगत लामो समयदेखि मानव शरीरलाई स्वस्थ्य, तन्दुस्त राख्न महत्वपूर्ण भूमिका खेल्दै आएका जिम हाउसका सञ्चालकहरुको परिचयात्मक, भेटघाट एवम् छलफल कार्यक्रम सम्पन्न भएको छ ।
चितवनको सबैभन्दा पुरानो जिम चितवन जिम हाउसका प्रबन्ध निर्देशक प्रकाश गुरुङ्गको अध्यक्षता तथा चितवन जिम हाउसका प्रमुख सल्लाहकार एवम् समाजसेवी राकेशमान श्रेष्ठ र उज्यालो टाईम्स मिडिया एण्ड एडभरटाइजिङ्ग प्रा.लि.का अध्यक्ष तथा प्रधान सम्पादक राजु भट्टको विशेष आतिथ्यतामा चितवन आसपासमा सञ्चालित जिम हाउसका सञ्चालकहरुको परिचयात्मक, भेटघाट एवम् छलफल कार्यक्रम सम्पन्न गरियो ।छलफलले यही मिति २०७९ साउन २८ गते शनिबार बिहान ८ बजे चितवन जिम हाउसको रिजालचोकस्थित प्राङ्गणमा जिल्लाभित्र सञ्चालनमा रहेका जिम हाउसका सञ्चालकहरुको वृहत भेला गराई समिति गठन गर्ने, सोही दिनदेखि समितिलाई पूर्णता दिने गरी तयारी शुरु गरिएको छलफल कार्यक्रमका अध्यक्ष प्रकाश गुरुङले जानकारी दिनुभयो ।
परिचयात्मक, भेटघाट एवम् छलफल कार्यक्रममा पावर हाउस जिम नारायणगढका आनन्द गुरुङ्ग, श्रेष्ठ जिम हाउस रत्ननगरका इन्द्र बहादुर श्रेष्ठ, फिटफेशन गैंडाकोटका चन्दन विश्वकर्मा, माडी जिम हल माडीका निर्मल लामिछाने, ओम फिटनेश भरतपुरका राजकुमार श्रेष्ठ, रिभाइल फिटनेश भरतपुरका सुरज लामा, चनौली जिम हल चनौलीका अनिल कुमार श्रेष्ठ, क्लव डि फियुके भरतपुरका प्रतिक पन्त, भिआईपी जिम नारायणगढका सुदन पण्डित, पावर हाउस जिमका प्रशिक्षक सुरेश गुरुङ, चनौली जिम हलका कर्मचारी सुभम् घिमिरे लगायतको उपस्थिति रहेको थियो ।
छलफलमा सहभागी जिम हाउसका सञ्चालकहरुले आगामि दिनमा जिम हाउस सञ्चालकहरुले आफ्नै छुट्टै समिति दर्ता गराई जिम हाउसका गतिविधिहरुलाई खेल मार्फत अगाडि बढाउन प्रतिवद्धता समेत गरेका थिए । सोही अवसरमा जिम सञ्चालकहरुले आ–आफ्ना धारणासँगै परिचय समेत गरेका थिए ।
