नारायणगढ/किवानिज क्लब अफ चितवन र किवानिज क्लव अफ नारायणीको संयुक्त आयोजनामा नारायणगढको लायन्सचोकदेखि शहीदचोक हुँदै पुल्चोकसम्मको स्थानमा सरसफाई कार्यक्रम सम्पन्न गरिएको छ ।
किवानिज क्लब अफ चितवनका अध्यक्ष कृृृष्ण पौडेल र किवानिज क्लब अफ नारायणीका अध्यक्ष बद्रीनाथ पोखरेलको संयुक्त अध्यक्षतामा सम्पन्न सरसफाई कार्यक्रममा प्रमुख अतिथि किवानिज क्लब अफ चितवनका पूर्व अध्यक्ष नारायण मल्लले सडकमा झाडु लगाएर सरसफाई अभियान कार्यक्रमको उद्घाटन गर्नुभएको थियो ।
सरसफाई अभियान कार्यक्रमको उद्घाटन गर्दै प्रमुख अतिथि मल्लले सरसफाई अभियानले समाजमा एक उदाहरणीय सन्देश जाने र हरेक व्यक्ति, संघ–संस्थाहरुले आ–आफ्नो ठाउँबाट सरसफाईका अभियानहरु सञ्चालन गर्नुपर्ने बताउनुभयो ।
सरसफाई अभियानमा किवानिज क्लब अफ चितवन र किवानिज क्लव अफ नारायणीका पदाधिकारी एवम् सदस्यहरुको उपस्थिति रहेको थियो ।
