भरतपुर/भरतपुर महानगर उप प्रमुख चित्रसेन अधिकारीले महानगरको बिकासमा वडातहको भूमिका महत्त्वपूर्ण रहने बताउनु भएको छ । वडातहले आफुले गर्नु पर्ने काम तथा बनाउनु पर्ने विभिन्न समितिहरुलाई समयमै बनाउन नसक्दा त्यसको असर महानगरको बिकासमा देखिने बताउनु भयो । अटिजम केयर चितवन सोसाइटीको आयोजना तथा भरतपुर महानगरपालिकाको समन्वयमा समाबेशी शिक्षा परियोजनाका सम्बन्धमा वडा अध्यक्ष तथा सचिबहरु सग भएको कार्यशाला गोष्ठीलाई भरतपुरमा सम्बोधन गर्दै उप प्रमुख अधिकारीले समिति बनाउने देखि लिएर बाकी सबै कामहरुलाइ तत्कालै सम्पन्न हुने गरि तयसको नतिजा महानगरमा ल्याउन वडा अध्यक्षहरुलाइ अपिल गर्नु भयो । साथै उहाँले वडा कार्यलयमा आएका सूचनाहरुलाइ वडा अध्यक्ष सग समन्वय र सहकार्य गरि सोही अनुसार अगाडि बढाउन पनि सचिबहरुलाइ निर्देशन दिनु भयो । उप प्रमुख अधिकारीले समाबेशी शिक्षा आफैमा महत्त्वपूर्ण शिक्षा भएको पनि बताउनु भयो । समाबेशी शिक्षा कै कारण अपांगता भएका ब्यक्तिहरुले प्रगति गरेको देख्दा आफूलाइ ज्यादै खुशी लागेको पनि उल्लेख गर्नु भयो ।
त्यस्तै कार्यक्रममा बोल्दै भरतपुर १० का अध्यक्ष तथा सामाजिक बिकास समिति सयोजक परमेश्वर खनालले समाजमा अझै पनि अपांगताको बारेमा जनचेतनाको कमि भएको बताउनु भयो । अपांगताको बारेमा घर घरमा जनचेतना पुर्याउन सकेको खण्डमा मात्रै समाजले अपांगहरुलाइ हेर्ने दृष्टिकोणमा परिवर्तन ल्याउन सक्ने प्रष्ट पार्नु भयो । कार्यक्रममा नगर शिक्षा अधिकारी महेन्द्र पौडेलले समाबेशी शिक्षा परियोजनाको बारेमा कार्यपत्र प्रस्तुत गर्नु भएको थियोे । स्वास्थ्य तथा सामाजिक बिकास महाशाखा प्रमुख शान्ता कुमारी पौडेलले अटिजम अपांगता एक जटिल प्रकारको अपांगता भएको बताउनु भयो । उहाँले जन्मदै आउने अपांगता, जन्मेपछी हुने अपांगता, भइ परि आउने अपांगता र आहार बिहारका कारणबाट हुने अपांगताका विषयमा प्रष्ट पार्नु भएको थियोे । महानगरले आगामी दिनमा आधुनिक खालको डिजिटल परिचयपत्र दिने तयारी गरेको पनि पौडेलले जानकारी दिनु भयो । कार्यक्रममा भरतपुर महानगरपालिका वडा नम्बर १ देखि १३,१५ र २९ नम्बर वडाका अध्यक्ष र सचिबहरुको सहभागिता रहेको थियोे । कार्यक्रममा अपांगता भएका ब्यक्तिहरुको समाबेशी शिक्षाको अधिकारको बारेमा पनि वडा अध्यक्ष र सचिबहरु सग छलफल गरिएको छ । समाबेशी शिक्षा परियोजनाको उद्देश्य सबै बालबालिकाको सिकाइमा समान अधिकार र अवसरको प्रत्याभूति गर्नु हो । परियोजनाले ४ देखि १७ बर्ष उमेर समुहका अपांगता भएका तथा कार्यगत सिमितता भएका विद्यालय भित्र र बाहिर रहेका बालबालिकाहरुलाई लक्ष्यित बर्गको रुपमा राख्दै आएको छ ।
परियोजना ८७ वटा स्कुलमा लागू भएको छ । कार्यक्रममा अपांगता भएका ब्यक्तिहरुको हक, अधिकार, शिक्षा र स्वास्थ्य, अवसर र चुनौती, र सेवा सुबिधाको बारेमा अटिजम केयर चितवन सोसाइटीका निर्देशक प्रमिला न्यौपानेले कार्यपत्र प्रस्तुत गर्नु भएको थियोे । त्यस्तै ह्यान्डिक्याप इन्टरनेशनलका प्रोजेक्ट अफिसर रमेश बरालले नेपालमा अपांगताको अवस्था, अवसर र चुनौतीको बारेमा कार्यपत्र प्रस्तुत गरिएको थियोे । यसैगरी राष्ट्रिय बहिरा सघ नेपाल र कमिटेडका प्रतिनिधिले पनि गोष्ठीमा अपांगताका सम्बन्धमा छुट्टाछुट्टै कार्यपत्रहरु प्रस्तुत गरेका थिए ।भरतपुर महानगरले गत असार मसान्तसम्ममा एक हजार ६ सय ६६ जनालाई अपांगता परिचयपत्र बितरण गरिसकेको छ । परियोजनाको कार्यक्षेत्र भरतपुर महानगरपालिका र कालिका नगरपालिका रहेको छ । कार्यक्रममा भरतपुर ७ का वडा अध्यक्ष राजेन्द्रमणि काफ्ले, १ का अध्यक्ष केशव मर्हर्जन,११ नम्बरका वडा सचिब ओम प्रकाश न्यौपाने,गैरसरकारी सस्था समन्वय तथा सामुदायिक परिचालन शाखाको शाखा प्रमुख सुकदेब ढकालले समाबेशी शिक्षा र अपांगता भएका ब्यक्तिहरुको हक अधिकारको बारेमा बोल्नु भएको थियोे । परियोजनालाई ह्यान्डिक्याप इन्टरनेशनल, लियोनार्ड चेसाइर र सेन्स इन्टरनेशनले साझेदारी सस्थाहरुको रुपमा काम गर्दै आइरहेका छन भने अटिजम केयर चितवन सोसाइटी, राष्ट्रिय बहिरा सघ नेपाल र कमिटेडले कार्यक्रम कार्यान्वयन गर्दै आएका छन । परियोजनाको अबधि ३ बर्षको रहेको छ ।
