चितवन मेटल इन्जिनियरिड्ड एण्ड फेब्रिकेशन उद्योग समितिको प्रथम साधारणसभा एवम् अधिवेशन सम्पन्न भएको छ । चितवन मेटल इन्जिनियरिड्ड एण्ड फेब्रिकेशन उद्योग समितिका अध्यक्ष ताराबहादुर कार्कीको अध्यक्षतामा सम्पन्न साधारणसभा एवं अधिवेशनमा चितवन उद्योग संघका निवर्तमान अध्यक्ष एवं नेपाल उद्योग परिसंघका राष्ट्रिय परिषद् सदस्य भेषराज दुवाडी प्रमुख अतिथि रहनुभएको थियो । कार्यक्रममा चितवन उद्योग संघका उपाध्यक्ष गजेन्द्र अधिकारी विशिष्ट अतिथि रहनुभएको थियो ।
कार्यक्रमका प्रमुख अतिथि चितवन उद्योग संघका निवर्तमान अध्यक्ष एवं नेपाल उद्योग परिसंघका राष्ट्रिय परिषद् सदस्य भेषराज दुवाडीले सरकारबाट मेटल उद्यमीमा सिर्जना हुने नीतिगत समस्या सुधारमा हातेमालो गरेर अघि बढ्न आफूहरु तयार रहेको बताउनुभयो ।
कार्यक्रमका सभापति ताराबहादुर कार्कीले कार्यक्रमका प्रमुख अतिथि, अतिथि लगायत सम्पूर्ण उपस्थित महानुभावहरुलाई स्वागत गर्नुभएको थियो ।

कार्यक्रम अन्तर्गत साधारणसभाले गरेका निर्णयहरु उतार गरिएको निर्णय पुस्तिका प्रमाणित गर्ने अख्तियारी अनन्त वाग्ले, रमेश गिरी र सिता खनाललाई प्रदान गरिएको थियो । साधारणसभा एवं अधिवेशनमा चितवन मेटल इन्जिनियरिड्ड एण्ड फेब्रिकेशन उद्योग समितिका उपाध्यक्ष कृष्णप्रसाद भण्डारीले विवाद समाधान समितिको प्रतिवेदन, सचिव राजु पुडासैनीले बार्षिक प्रगति प्रतिवेदन र कोषाध्यक्ष मोहनलाल श्रेष्ठले आर्थिक प्रतिवेदन प्रस्तुत गर्नुभएको थियो ।
समितिले साधारणसभाको अवसरमा समितिको विमा कार्यक्रममा आवद्ध भई सबैभन्दा बढी कर्मचारीहरुको विमा गरी सहयोग पु¥याई प्रथम हुनुभएका व्यस्त मेटल उद्योग, द्धितीय हुनुभएका लक्ष्मी इन्जिनियरिङ्ग कार्यशाला, तृतीय हुनुभएका ब्लेस आइरन उद्योग र सान्त्वना हुनुभएका गणपति मेटल वर्कशपलाई सम्मान गरिएको थियो ।
त्यस्तै समितिले विमा परिचालन तथा विवाद समाधान उपसमितिको संयोजकको रुपमा रही सदस्य उद्योगहरुमा सिर्जना हुने समस्या समाधानमा महत्वपूर्ण भूमिका खेल्नुहुने भण्डारी ग्रिल उद्योग का सञ्चालक एवं समितिका उपाध्यक्ष कृष्णप्रसाद भण्डारी, स्थापना कालदेखि नै अविछन्न रुपमा कोषाध्यक्ष पदमा रही समितिको आर्थिक क्रियाकलापलाई व्यवस्थित, पारदर्शी र कोषलाई मजबुद बनाउन निर्वाह गर्नुभएको भूमिकाको उच्च मूल्याङ्कन गर्दै राजेन्द्र ग्रिल उद्योगका सञ्चालक एवं समितिका कोषाध्यक्ष मोहनलाल श्रेष्ठ, समितिले थालनी गरेको थर्ड पार्टी विमा कार्यक्रम मार्फत समितिको आर्थिक संकलन कार्यमा पु¥याउनु भएको महत्वपूर्ण भूमिकाको उच्च मूल्याङ्कन गर्दै ॐ स्टिल सप्लायर्स का सञ्चालक एवं समितिका सदस्य सूर्यप्रसाद तिमिल्सिनालाई समेत सम्मान गरिएको थियो ।
त्यसैगरी समितिले साधारणसभाको अवसरमा सहयोग गर्ने सहयोगी दाताहरु गोयल मेटल ई.प्रा.लि., लक्ष्मी नारायण टेडिङ्ग प्रा.लि, मनकामना हार्डवेयर एण्ड सप्लायर्स प्रा.लि, बाबा इन्टरप्राजेज, नेपाल मेटरियल ह्याण्डलिङ्ग ई.वर्कशप, स्टिल उड इन्टरप्राइजेज प्रा .लि, राजेश हार्डवेयर प्रा.लि, जोशी सप्लायर्स, कैलाश स्टील सप्लायर्स, मिलन हार्डवेयर सेन्टर, मालिका देवी स्टोर्स, जलदेवी स्टोर्सलगायतलाई सम्मान गरिएको थियो ।
चितवन उद्योग संघका प्रशासकीय अधिकृत गोविन्दप्रसाद पौडेलले सञ्चालन गर्नुभएको कार्यक्रमलाई चितवन मेटल इन्जिनियरिड्ड एण्ड फेब्रिकेशन उद्योग समितिका अध्यक्ष ताराबहादुर कार्कीले निर्वाचन मण्डललाई दोश्रो कार्यक्रमको सञ्चालन गर्ने अनुमति दिदै समापन गर्नुभएको थियो ।