भरतपुर/भरतपुर महानगरका उप प्रमुख चित्रसेन अधिकारीले महानगरका कोहि पनि जनता अब स्वास्थ्य उपचार नपाएर अकालमा मर्न नपर्ने बताउनु भएको छ । उहाँले महानगरका सबै जनता स्वास्थ्यको पहुँचमा पुगिसकेको हुँदा कोहि कतै स्वास्थ्य उपचार नपाएर अकालमै मर्न नपर्ने बताउनु भयो । भरतपुर महानगरपालिका जनस्वास्थ्य प्रबर्द्धन शाखा र वडा न २५ को सयुक्त आयोजनामा भएको एकीकृत स्वास्थ्य शिबिरमा बोल्दै उप प्रमुख अधिकारीले भरतपुर महानगरको पहिलो प्राथमिकता जनताको स्वास्थ्य भएको समेत बताउनु भयो । महानगर भित्रका जनतालाई स्वास्थ बनाउनु हाम्रो पहिलो प्राथमिकता रहेको भन्दै उप प्रमुख अधिकारीले जनताको सम्पत्ति भनेकै उनिहरुको स्वास्थ्य भएको पनि औल्याउनु भयो । यस्ता कार्यक्रमहरु केबल शिबिर मात्र नभई सिङगो अस्पताल नै भएको पनि उहाँको भनाइ छ । उहाँले आमजनताको घरदैलोमा स्वास्थ्यको पहुँच पुग्न जरुरी रहेको समेत प्रष्ट पार्नु भयो ।
महानगरका २९ वटै वडामा स्वास्थ्य शाखाहरु स्थापना भइ जनताको स्वास्थ्यलाई स्वस्थ्य बनाउने काम भइ रहेको छ उप प्रमुखले भन्नू भयो, २१ वटा निजि अस्पताल रहेको भरतपुर महानगरमा स्वास्थ्य क्षेत्रले उदाहरणीय फड्को मार्न सफल भएको छ उप प्रमुखको भनाइ छ । फरक प्रसगमा उहाँले महानगर कृषि, पशु र उत्पादनमा अगाडि बढीरहेको पनि बताउनु भयो । महानगरको जोड कृषि र उत्पादनमा रहेको बताउदै उप प्रमुखले अहिलेको बजेट गाउमुखी भएको पनि स्पष्ट पार्नु भयो । बिशेश गरि पश्चिम भेगका जनताका लागि कृषि, पशु र उत्पादनका कार्यक्रमहरु लक्ष्यित रहेका छन उप प्रमुख अधिकारीले भन्नू भयो ।
स्वास्थ्य सम्बन्धी सचेतनामूलक जानकारीका साथ समस्याको न्युनीकरणको लागि अपनाउन सकिने घरेलु उपायका बारेमा समेत जानकारी दिन आबश्यक रहेको चिकित्सकहरुले बताए । महिनामा एकपटक चिकित्सकहरूले निःशुल्क स्वास्थ परिक्षण गर्नुपर्ने आवश्यकता रहेको पनि औंल्याए । कार्यक्रमा वरिष्ठ सर्जन डा शुरेस कुमार प्रधान, महिला तथा स्त्रीरोग विशेषज्ञ डा राम प्रसाद सापकोटा, डा रजनिश मानन्धर, डा गोबिन्द पन्त लगाएत अन्य बिभागिय डाक्टरहरुको पनि उपस्थिति रहेको छ । शिबिरमा ७ सय भन्दा बढीले स्वास्थ्य सेवा लिने अपेक्षा गरिएको वडा अध्यक्ष छबिलाल सापकोटाले जानकारी दिनु भयो ।
