भरतपुर/शक्तिखोर औद्योगिक पार्कको प्रगति समिक्षा सहित छलफल एवं सुरक्षा निकायका प्रमुख र उद्योगीहरुबीच परिचयात्मक कार्यक्रम सम्पन्न भएको छ । चितवन उद्योग संघका अध्यक्ष राजु पौडेलको सभापतित्वमा सम्पन्न कार्यक्रममा नेपाल उद्योग परिसंघ बाग्मती प्रदेशका संयोजक ऋषिराम घिमिरे प्रमुख अतिथि, औद्योगिक क्षेत्र व्यवस्थापन बोर्डका अध्यक्ष नन्दकिशोर बस्नेत विशिष्ट अतिथि र शसस्त्र प्रहरी बल नेपाल, नं. ३ गढीमाई बाहिनी मुख्यालय मकवानपुरका सशस्त्र प्रहरी नायव महानिरीक्षक कृष्णभक्त ब्रम्हचार्य विशेष अतिथि रहनुभएको थियो ।
चितवन उद्योग संघका अध्यक्ष राजु पौडेलले स्वागत मन्तव्य सहित संघको पृष्ठभुमि, उद्देश्य एवं यसका क्रियाकलाप माथि जानकारी गराउनु भएको कार्यक्रममा औद्योगिक क्षेत्र व्यवस्थापन बोर्डका अध्यक्ष नन्दकिशोर बस्नेतले शक्तिखोर औद्योगिक पार्कको हालसम्मको प्रगति समिक्षाबारे प्रष्ट्याउनु भएको थियो । उहाँले भन्नुभयो–अब छिट्टै नै शक्तिखोर औद्योगिक क्षेत्र सञ्चालनको प्रक्रिया अगाडि बढ्नेछ । त्यसमा सम्पूर्ण उद्योगीहरुको साथ र सहयोग आवश्यक रहेको समेत बताउनुभयो ।
कार्यक्रममा उद्योग संघ मकवानपुरका अध्यक्ष लेखराज पोखरेल, चितवन उद्योग संघ गभर्निङ काउन्सिलका अध्यक्ष एवं पूर्व अध्यक्ष हरिप्रसाद सुवेदी, चितवन उद्योग संघका निवर्तमान अध्यक्ष भेषराज दुवाडी, हेटौडा औद्योगिक क्षेत्रका क्षेत्र व्यवस्थापक राजेन्द्र प्रसाद कँडेल, चितवन उद्योग संघ गभर्निङ काउन्सिलका सदस्य एवं पूर्व अध्यक्ष ताराप्रसाद पौडेल, चितवन उद्योग संघका पूर्व अध्यक्ष वामदेव खनाल, औद्योगिक सुरक्षा गुल्म नं. २३, का सशस्त्र प्रहरी नायव उपरीक्षक विनोद खतिवडा, चितवन उद्योग संघका उपाध्यक्षहरु सूर्यप्रसाद न्यौपाने, मदन घिमिरे, दुर्गाप्रसाद भण्डारी, युग राज वस्ती, कार्यसमिति सदस्य मदन चिरञ्जीवी पोखरेल, तारा बहादुर कार्की, गोपाल प्रसाद गैरे, दण्डपाणी भट्ट, परमेश्वर भण्डारीलगायतको उपस्थिति रहेको थियो ।
चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको कार्यक्रमलाई संघका उपाध्यक्ष एवं सरकारी एवं गैर सरकारी समन्वय तथा औद्योगिक शिक्षालय निर्माण विभागका संयोजक त्रिलोचन कँडेलले धन्यवाद मन्तव्य सहित समापन गर्नुभएको थियो ।