भरतपुर/चितवन उद्योग संघका कर्मचारीहरुको बार्षिक भ्रमण कार्यक्रम अनुसार दुईदिने अवलोकन भ्रमण सकिएको छ ।
शुक्रबारबाट शुरु गरिएको भ्रमण शनिबारबाट सकिएको हो । चितवन उद्योग संघका कार्यकारी निर्देशक गणेशप्रसाद सिलवालको नेतृत्वमा शुरु गरिएको भ्रमणमा पहिलो दिन तनहुँको बन्दीपुर क्षेत्रका पर्यटकीय गन्तव्य र दोश्रो दिन शनिबार बन्दीपुरकै थानी माई मन्दिर, करीब दुईघण्टा लामो ओरालो लागेर तनहुँमा रहेको दक्षिण एसियाकै ठूलो गुफा शिद्ध गुफाको अलवोकनसँगै भ्रमण टोलीले गोरखामा रहेको गोरखा दरबारको अवलोकन सँगै गोरखाका पर्यटकीय स्थानहरुको समेत अवलोकन गरेको थियो ।
भ्रमणमा कार्यकारी निर्देशक गणेशप्रसाद सिलवाल, प्रशासकीय अधिकृत गोविन्द प्रसाद पौडेल, परियोजना व्यवस्थापक रोचक अधिकारी, सञ्चार अधिकृत राजु भट्ट, लेखा अधिकृत सुरेन्द्र ठाकुर, साईट इन्जिनियर रमेशराज बसौला, इभेन्ट सुपरभाइजर दिपक दुवाडी, चितवन औद्योगिक विकास साकोसकी लेखापाल सुजाता हुमागाई, स्टोर किपर उमेश श्रेष्ठ, कार्यालय सहायकहरु प्रवेश अधिकारी, सावित्री पौडेल, शोभा थापा, रत्ननगर इकाई समितिकी कार्यालय सचिव कञ्चन खतिवडा, कार्यालय सहयोगी तेजिया थापा सहित १४ जनाको सहभागिता रहेको थियो ।
दुईसम्म चलेको भ्रमण निकै उत्साहजनक, मनोरञ्जनात्मक र उपलब्धीमूलक भएको भ्रमण टोलीका संयोजक एवं संघका प्रशासकीय अधिकृत गोविन्द प्रसाद पौडेलले जानकारी दिनुभयो । परियोजना व्यवस्थापक रोचक अधिकारी, चितवन औद्योगिक विकास साकोसकी व्यवस्थापक प्रमिला थापा, सञ्चार अधिकृत राजु भट्ट सहितको ४ जना सदस्यीय भ्रमण टोलीको गठन गरिएको भएता पनि चितवन औद्योगिक विकास साकोसकी व्यवस्थापक प्रमिला थापा भने उहाँको हजुरबुबाको स्वर्गारोहणका कारण भ्रमणमा सहभागी हुन सक्नुभएन ।
भ्रमण टोलीले उहाँको हजुरबुबाको स्वर्गारोहण प्रति दुःख व्यक्त गर्दै हार्दिक समवेदना समेत प्रकट गरेको छ ।