भरतपुर/तथ्याङ्क कार्यालय चितवनको आयोजनामा राष्ट्रिय औद्योगिक सर्वेक्षण २०७६ जिल्ला स्तरीय सचेतना गोष्ठी सम्पन्न भएको छ ।
प्रमुख जिल्ला अधिकारी नारायणप्रसाद भट्टराईको अध्यक्षतामा सम्पन्न कार्यक्रममा जिल्ला समन्वय समितिका प्रमुख कृष्णकुमार डल्लाकोटी प्रमुख अतिथि रहनुभएको थियो ।
जिल्ला स्तरीय सचेतना गोष्ठीमा चितवन उद्योग संघका उपाध्यक्षहरु त्रिलोचन कँडेल, सूर्यप्रसाद न्यौपाने, दुर्गाप्रसाद भण्डारी, गजेन्द्र अधिकारी, युग राज वस्ती, कार्यकारी निर्देशक गणेशप्रसाद सिलवाल, कार्यसमिति सदस्य एवं खैरहनी इकाई समितिका अध्यक्ष प्रतिभा श्रेष्ठ, कार्यसमिति सदस्य भोजराज खनाल, सञ्चार अधिकृत राजु भट्ट लगायतको उपस्थिति रहेको थियो ।
सचेतना कार्यक्रममा संघको तर्फबाट उपाध्यक्षहरु त्रिलोचन कँडेल, सूर्यप्रसाद न्यौपाने, युग राज वस्ती, कार्यसमिति सदस्य एवं खैरहनी इकाई समितिका अध्यक्ष प्रतिभा श्रेष्ठले आ–आफ्नो धारणा समेत राख्नुभएको थियो ।
कार्यक्रममा जिल्लास्थित सरकारी कार्र्यालयका प्रमुख एवं प्रतिनिधि, उद्योग वाणिज्य संघ चितवनका पदाधिकारी एवं सदस्यहरु, स्थानीय निकायका उद्योग वाणिज्य संघका अध्यक्षहरु, सञ्चारकर्मी एवं सरोकारवाला निकायहरुको सहभागिता रहेको थियो ।
